東京之行(二)

第二日、小弟生日的日子。
由於大大有工作，小弟一人的慶祝生日去也。由於之前一日搭夜機差唔多冇得訓，兼且行足一日，所以第二日勁攰，朝早都係自己一個人響酒店房休息。到左大約十二點先出動。首個目的地係去新宿的 Dragon Quest (DQ) 專門店買我最喜歡的史萊姆紀念品。不過去開新宿，就梗係去行個街先。
新宿百貨公司臨立，其實我冇入去都睇唔出佢地之間有咩分別。不過小弟由於冇買貴貨的意圖，所以我都係去左 Tokyu hands，一間賣精品/日用品較多的鋪頭逛。Tokyu hands 其實你可以當係一間大大間O既 Aeon Living Plaza 去睇，日用品的花款琳琅滿目。而且還有我喜歡的棋賣。不過由於明知我今次旅行會買行多東西，所以都冇買棋。
跟著我就去兩處我私家想去的地方。一處是 DQ 精品店。Basically 就係一間賣 DQ 精品O既地方，冇咩好講。另外一處就是我去玩桌上遊戲 Magic The Gathering (MTG) 的地方。畢竟人家是大都市東京的最大 MTG 店鋪，果然是很有氣派。有三百個位置給 MTG Players 玩，甚至有一個可以隨時進行直播的 table。售賣咭位已經有數人在打點，裡面的職員還有十多個。另外，也有櫃枱專門給人放咭。整間鋪頭約超過四千呎，好 pro，好羨慕。
買了一些 MTG 紀念品，就去最後一處地方 - 六本木遊覽。去六本木的原意是去 DQ Themed Restaurant 路易達酒吧一行，順道想去找找朝日電視台的紀念品店，聞說有很多叮噹的精品賣。可惜去到的時間已差不多六點，紀念品店也關鋪。唯有先去路易達酒吧。酒吧的陳設全是 DQ Theme，模型、影片等。有像 DQ 怪獸樣子的食品可以點，不過其實款式不多。最搞笑的是由於店鋪地方淺窄、竟然係沒有座位，一張也沒有。如果不是 DQ 迷，真的不可能忍受吃 3000 yen 的一個晚餐就連坐都冇得坐。
吃完後再買一點精品就回東京站會合大大。一點爭拗之後，也沒再到處看看。陪大大吃點東西就回酒店了。

東京之行(一)

啱啱早兩個禮拜，去東京走左一躺。我其實唔係第一次去東京，之前都去過一次。上次一條友去左兩日，之前冇做咩資料搜集，去到都係行下台場同迪士尼 D standard 野。今次又有 D 唔同，今次用左好多時間搵唔同地方去。雖然時間上我都唔係話多過上次好多，而且有一半時間左右係同老婆大人去 shopping，但都有好多時間可以自己安排下點使。
第一日我係搭凌晨機去到東京，CHEAP CHEAP 的廉航就是很容易 delay，所以遲了兩個鐘才到東京。可幸的是，用特區護照入日本境原來是很暢順，半粒鐘唔使已經拿了行李去找 Narita Express 去市區。因為酒店在東京站，去旅行又是用錢買時間的日子，所以我對大大提議搭 Narita Express 冇意見照跟。搭 10:48 的車，人不夠 11:50 分已在東京站。
有了第一次去東京的經驗，係明知響什麼地鐵火車站會搵路搵到死，所以用左差唔多四個字先搵到間酒店其實一 D 都唔意外。本來我想早點去淺草，有個春日花見祭，但由於航班 delay 唔見左兩粒鐘，所以曾經一度心灰意冷諗住唔去。但由於車程暢順，十二點鐘左右已經可以鎖行李 free 起來，結果都係照行程去淺草一躺。
去淺草的目的是花見祭和睇櫻花。但去到時已經差唔多一點。本來早找了資料去搵一間食店吃午餐，但係搵左一陣搵唔到。而由於果日刻響廉航其實我冇食早餐，所以我果一刻係超肚餓。搵唔到就求其搵一間居酒屋衝入去，食左 1000 yen 有找O既刺身定食 + 一杯啤酒。對於我呢亭牛O趙牡丹O既人，其實果餐係算抵食，質素跟響香港食個百零蚊O既刺身定食其實冇咩兩樣。只係人多一點、濟一點。最可憐O既只係原來日本食店原來冇實行全面禁煙。那間居酒屋確實是一浸煙味。
食飽左就去行花見。由於花見祭乃朝早舉行O既儀式，所以其實明知已經過晒廟。不過佢仍然有一 D 花見祭O既熱鬧可以感受下。廟內比想像中古舊，地方亦不大，約只有黃大仙廟大的地方。有咩建築就唔多講啦，想知的看者自己 wiki 下就知。而最緊要O既係聽說那裡的櫻花應該開得很好，但事實不然。就算到附近的隅田公園找也找不到很茂盛的櫻花，很可憐。找了一會沒頭緒，就搭車班師回朝。
搭淺草線返回東京時，發現其實御徒町站很近秋葉原，就落車一行。眾所周知，雖然其實我唔係好知，秋葉原其實是很 MK 的一處地帶。多的全是電玩、動漫、電子電腦的商品。不過我唔係 high tech 人其實唔多好逛。最瘋狂的都只是看看任天堂的舊商品作為紀念。AKB 48 原來在當地真的很盛行，專題紀念品、餐廳也有。秋葉原最出名的女僕 cafe﹐唔.. 總之就冇入。
很了一會，返東京站 join 大大 settle 酒店事宜，之後去台場逛。去台場目標是賣嬰兒商品的西松屋。講真，真係好行得來貨品又平。要為小朋友 shopping O既無可能唔去，去到都發現周邊O既人講廣東話多過講日文。買完後、太陽西下，食個夜飯、返歸訓覺了。下回繼續。